"BDU Könüllüləri" təşkilatı yeni könüllü qəbuluna başladı.
2019-cu ildən fəaliyyət göstərən "BDU Könüllüləri” təşkilatı hazırda öz ətrafında 1000-ə yaxın könüllü tələbəni birləşdirir.
Təşkilat 2020-ci ildən başlayaraq bir sıra uğurlu layihələr həyata keçirib, BDU-da könüllülük hərəkatının genişlənməsi, tələbə təşkilatları ilə birgə sosial və mədəni-kütləvi tədbirlərin təşkilində fəal iştirak edib.
Hazırda könüllü tələbələr BDU-nun müxtəlif struktur bölmələrində könüllü kimi fəaliyyət göstərməklə Universitetin ictimai həyatında fəal iştirak edir və gələcək karyeraları ilə bağlı təcrübə qazanırlar.
"BDU Könüllüləri" təşkilatına üzv olmaqla siz nələr qazana bilərsiz:
Təcrübə könüllüsü olaraq Universitetin struktur bölmələrində və fakültələrdə fəaliyyət;
Universitetin sosial-mədəni həyatına dəstək;
Liderlik, ünsiyyət, komanda işi və problem həll etmə kimi bacarıqlarınızı artırmaq;
Karyeranızda və təhsilinizdə mühüm təcrübə qazanmaq;
Öz layihə və ideyalarınızı reallaşdırmaq;
Könüllülük fəaliyyətinin sonunda təşəkkürnamə ilə təltif olunmaq;
Tədbir və görüşlərdə fəal iştirak etmək.
