DOST Agentliyində vakant vəzifəyə qəbul elan edilir.

Təşkilat: Dayanıqlı və Operativ Sosial Təminat Agentliyi
Struktur bölmənin adı: İnsan resurslarının idarə edilməsi departamenti / Əmək münasibətlərinin tənzimlənməsi şöbəsi

Vəzifə: Şöbə müdiri

Əmək haqqı: Ştat cədvəlinə uyğun olaraq

İşin təsviri:

İşçilərin işə qəbul, işdən azad edilmə əmrlərinin və digər sənədlərin düzgün hazırlanması, imzalanması və qeydiyyatının aparılmasını təmin etmək;
İşçi məlumatlarının mütəmadi olaraq yenilənməsi və həmin məlumatların uçotunun düzgün şəkildə əks olunmasını təmin etmək;
Kadr hərəkəti ilə bağlı məlumatların müvafiq elektron idarə etmə sistemlərinə (ƏMAS) vaxtında və düzgün formada daxil edilməsini təmin etmək;
Əmək münasibətlərinin tənzimlənməsi ilə bağlı həyata keçirilən əməliyyatların avtomatlaşdırılması ilə bağlı təkliflər hazırlamaq;
Məzuniyyətdən istifadənin qanunvericiliyə uyğun həyata keçirilməsinə və elektron uçotunun düzgün aparılmasına nəzarət etmək;
İşçilərin şəxsi işlərinin düzgün formada aparılmasını təşkil etmək;
Şöbənin fəaliyyət istiqamətinə dair sənədlərin saxlanılması və uçotunun müvafiq normativ hüquqi aktların tələblərinə uyğun həyata keçirilməsini təmin etmək;
Agentliyin Aparatı üzrə əmək haqqı tabelinin vaxtında və düzgün hazırlanmasına nəzarət etmək;
Şöbənin fəaliyyəti ilə bağlı aparılan əməliyyatların, məlumatların uçotunun aparılmasını təşkil etmək;
Tabeliyində olan işçiləri qanunvericilikdəki dəyişikliklər və daxili qaydalarla məlumatlandırmaq;
Şöbənin fəaliyyəti barədə departament müdirinə dövri hesabatlar təqdim etmək;
Şöbənin fəaliyyət istiqamətlərinə uyğun olaraq müvafiq qayda və prosedurların hazırlanmasını təmin etmək;
Şöbənin işini təşkil etmək və ona rəhbərliyi həyata keçirmək.

Vəzifənin tutulmasına dair tələblər:

Təhsil tələbi:
Ali təhsil (iqtisadiyyat və idarəetmə ixtisaslar qrupu, humanitar və sosial ixtisaslar qrupu üzrə ali təhsili olanlara üstünlük verilir).

İş stajına dair tələb:
Müvafiq sahədə və ya vəzifənin qulluq funksiyaları nəzərə alınmaqla azı 4 il iş stajı, o cümlədən rəhbər vəzifədə və ya idarəetmə sahəsində azı 1 il iş stajı;

Dil bilikləri:
Dövlət dili (sərbəst);
Rus və ingilis dili (üstünlükdür).

Kompüter bilikləri:
MS Office proqramları, xüsusilə MS Word və MS Excel – yaxşı səviyyədə
1C (8.3 versiya) proqram təminatı – yaxşı səviyyədə

Bilməlidir:

Əmək Məcəlləsi, o cümlədən əmək münasibətləri üzrə mövcud qanunvericilik sənədləri barədə yüksək nəzəri və praktiki biliklər.

Əlavə məlumatlar

İş yerinin ünvanı: Bakı şəhəri, Yasamal rayonu, İ. Qutqaşınlı küçəsi, 86;
İş qrafiki: Bazar ertəsi - Cümə (09:30-18:30).

Müraciət qaydası:

Namizədlər [email protected] e-mail ünvanının mövzu hissəsinə “Əmək münasibətlərinin tənzimlənməsi şöbəsinin müdiri” qeyd etməklə CV-ni göndərə bilərlər.
İşə qəbul mərhələsinə yalnız tələblərə cavab verən namizədlər cəlb ediləcəkdir.