Pul və valyuta bazarında əməliyyatlar şöbəsinə mütəxəssis / aparıcı mütəxəssis, kiçik mütəxəssis / vakansiyası

Karyerasını “Parlaq bankçılıq”da inkişaf etdirmək istəyən namizədlərimiz üçün hazırda “Xəzinədarlıq departamenti, Pul və Valyuta bazarında əməliyyatlar şöbəsi, Kiçik mütəxəssis / Mütəxəssis” vakansiyasını elan edirik.

Siz elektron poçtun “mövzu” yerinə “Xəzinədarlıq_Mütəxəssis” qeyd etməklə öz CV-lərinizi [email protected] ünvanına göndərə bilərsiniz.

Struktur: Xəzinədarlıq departamenti, Pul və Valyuta bazarında əməliyyatlar şöbəsi
Vəzifə: Kiçik mütəxəssis / Mütəxəssis
Bilavasitə tabeçiliyi: Departament direktoru və / və ya şöbə meneceri

Vəzifə öhdəlikləri:

Banklararası pul bazarı əqdlərinin ABS-də uçotu, sənədlərin tərtibi;
Banklararası valyuta bazarı əqdlərinin ABS-də uçotu, sənədlərin tərtibi;
Digər Xəzinədarlıq əməliyyatlarının ABS-də uçotu, sənədlərin tərtibi;
Ehtiyac olduqda, MT1XX, MT2XX, MT3XX tipli sənədlərin SWIFT terminalına daxil edilməsi;
Qiymətli kağızlar bazarında əməliyyatların uçotu, sənədlərin tərtibi
Şöbənin fəaliyyəti ilə bağlı əməliyyat və sahələr üzrə hesabatların hazırlanması;
Valyuta bazarında məzənnələrinin mütəmadi monitorinqi;
Departament tərəfindən təşəbbüs edilən layihələrdə fəal iştirak etmək;
Şöbənin fəaliyyətinə aid Bank daxili normativ sənədlərin hazırlanması;
Şöbənin fəaliyyəti ilə bağlı təqdimatların hazırlanması.

Tələblər:

Ali təhsil (Iqtisadi və ya riyazi);
Bank qanunvericiliyini bilmək;
Müvafiq sahədə minimum 6 ay iş təcrübəsi;
Valyuta bazarının alətləri haqqında biliklər;
Pul, valyuta və qiymətli kağızlar bazarının alətləri haqqında biliklər;
SWIFT formatları haqqında biliklər;
Microsoft Office proqramları (əsasən Word, Excel, PowerPoint) yüksək səviyyədə bilmək;
Azərbaycan dilini – mükəmməl, Rus və ya İngilis dilləri üzrə yüksək biliklər mütləqdir;
Analitik təhlil, kritik düşünmə bacarıqları;
Təşəbbüskarlıq, məsuliyyət, dəqiqlik;
Stres vəziyyətlərdə işləmək bacarığı;
Komandada işləmək bacarığı.

Biz Sizə nə təklif edirik:

Öz bilik və bacarıqlarınızı nümayiş və inkişaf etdirmək üçün rahat iş şəraiti;
Performansın illik qiymətləndirməsi və gələcək karyeranızın qurulması üçün geniş imkanlar;
Tibbi sığorta proqramına qoşulma;
Müasir idarəetmə sistemi və mehriban kollektiv.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaqdır.