“Qızlar oxusun” layihəsi və “PM Talks” platformasının birgə təşkilatçılığı ilə "Qızlar dəyişiklik edir: Layihələrin idarə edilməsi" adlı təqaüd proqramı üçün müraciətlərin qəbulunu açıq elan edirik!
2 ay ərzində davam edəcək proqramda iştirakçılar layihələrin idarə edilməsi ilə bağlı nəzəri və praktiki biliklərə yiyələnəcək, mentor dəstəyi əldə edəcəklər. Dərslər həftədə 2 və ya 3 dəfə olmaqla, onlayn formatda həyata keçiriləcəkdir.
Proqramda kimlər iştirak edə bilər?
Azərbaycanın istənilən bölgəsindəki orta məktəblərin, orta ixtisas və ali təhsil müəssisələrinin məzunları (Bu proqram tələbələr üçün nəzərdə tutulmayıb.);
Bir və ya hər iki valideynini itirmiş, valideyn himayəsindən məhrum olan, təhsil almasına məhdudiyyət qoyulmuş və ya maddi çatışmazlıq yaşayan şəxslər;
Erkən yaşda evləndiyi və ya övlad sahibi olduğu üçün təhsilini yarımçıq qoymuş və karyerasını yenidən planlamaq istəyən gənc analar.
Qeydiyyat forması: https://forms.gle/sgiTVrbgZyDMyKkw8
Müraciət üçün son tarix: 27 aprel 2024-cü il (saat 23:59) Qeyd edək ki, yalnız uğurlu namizədlər növbəti seçim mərhələsi barəsində məlumat əldə edəcəklər. Yarıda qalmasın, qızlar oxusun!
