Azərbaycan Texnologiya Universiteti iqtisadi məsələlər üzrə rektor müşaviri vakansiyası elan edir.

Namizədə tələblər:

•        İqtisadiyyat sahəsində ən azı magistr təhsili;

•        Ali və orta ixtisas təhsili müəssisələrində rəhbər və ya inzibati heyətdə iş təcrübəsi;

•        Maliyyə idarəçiliyi, büdcə planlaşdırılması və hesabatlılıq sahəsində bacarıqlar;

•        Analitik və strateji düşünmə qabiliyyəti;

•        Yüksək ünsiyyət və təşkilatçılıq bacarıqları.

Vəzifə öhdəlikləri:

•        Universitetin maliyyə-iqtisadi fəaliyyətinə dair analitik təhlillərin aparılması və rəhbərliyə müvafiq tövsiyələrin təqdim olunması;

•        Büdcə və xərclərin planlaşdırılması, icrası və nəzarətində iştirak;

•        Ali və orta ixtisas təhsili müəssisələrində təsərrüfat və inzibati proseslərin idarə olunması ilə bağlı təkliflərin hazırlanması;

•        Dövlət qurumları və digər tərəfdaşlarla iqtisadi məsələlər üzrə əməkdaşlığın əlaqələndirilməsi;

•        Rektorun tapşırıqlarının icrası və məsləhətçi dəstəyin təmin olunması.

Namizədlər CV-lərini 30.09.2025-ci il tarixinədək [email protected] ünvanına göndərə bilərlər. Məktubun mövzu hissəsində “İqtisadi məsələlər üzrə rektor müşaviri” qeyd olunmalıdır. Yalnız uyğun namizədlərə geri dönüş ediləcəkdir.