AzTU-da İnformasiya texnologiyaları şöbəsinin müdiri vəzifəsinə vakansiya elan olunur

Əmək funksiyaları:

Universitetin informasiya texnologiyaları siyasətinin və inkişaf istiqamətlərinin hazırlanmasını və həyata keçirilməsini təşkil etmək;

Universitetin İT infrastrukturunun – server, şəbəkə, internet, Wi-Fi, kompüter və digər texniki avadanlıqların fasiləsiz və təhlükəsiz fəaliyyətini təmin etmək;

Universitetin informasiya sistemlərinin, elektron xidmətlərinin və rəqəmsal platformalarının işlək vəziyyətdə saxlanılmasını, inkişaf etdirilməsini və inteqrasiyasını təşkil etmək;

Lokal şəbəkənin, serverlərin, məlumat bazalarının, istifadəçi hesablarının və giriş hüquqlarının idarə edilməsinə nəzarət etmək;

İnformasiya təhlükəsizliyi və kibertəhlükəsizlik üzrə tədbirlərin hazırlanmasını və həyata keçirilməsini təşkil etmək;

Məlumatların ehtiyat nüsxələrinin yaradılması, saxlanılması və fövqəladə hallarda bərpası üzrə tədbirləri təşkil etmək;

İT sistemlərində baş verən texniki nasazlıqların operativ aradan qaldırılmasını və istifadəçilərə texniki dəstəyin göstərilməsini təmin etmək;

Tədris və inzibati proseslərin İT təminatını, o cümlədən auditoriyalarda və inzibati otaqlarda texniki vasitələrin işlək vəziyyətdə saxlanılmasını təşkil etmək;

Universitetin informasiya resurslarının, veb-saytının və digər rəqəmsal platformalarının texniki inkişafında iştirak etmək;

Yeni İT layihələrinin, proqram təminatlarının və texnoloji həllərin tətbiqi üzrə təkliflər hazırlamaq və onların icrasını koordinasiya etmək;

İT avadanlıqlarına və proqram təminatına olan tələbatı müəyyənləşdirmək, texniki spesifikasiyaların hazırlanmasını və satınalma prosesində texniki qiymətləndirmənin aparılmasını təşkil etmək;

İT avadanlıqlarının və proqram təminatının uçotunun, inventarlaşdırılmasının və texniki vəziyyətinə nəzarətin təşkilini təmin etmək;

İT sahəsində xidmət göstərən podratçı və təchizatçı şirkətlərlə texniki məsələlər üzrə əməkdaşlığı və işlərin icrasına nəzarəti həyata keçirmək;

Şöbənin əməkdaşları arasında vəzifə bölgüsünü aparmaq, onların fəaliyyətini əlaqələndirmək və iş nəticələrinə nəzarət etmək;

Şöbənin fəaliyyət planlarını, hesabatlarını və inkişaf təkliflərini hazırlamaq;

İT ilə bağlı riskləri müəyyən etmək, qiymətləndirmək və onların azaldılması üzrə tədbirlər görmək;

Universitet rəhbərliyini İT infrastrukturunun vəziyyəti, mövcud problemlər, risklər və inkişaf imkanları barədə mütəmadi məlumatlandırmaq;

Səlahiyyətləri çərçivəsində digər struktur bölmələrlə İT məsələləri üzrə əməkdaşlığı təşkil etmək;

Rəhbərlik tərəfindən verilən digər tapşırıqları yerinə yetirmək.

Vəzifəyə olan tələblər

İnformasiya texnologiyaları, kompüter mühəndisliyi, informasiya sistemləri, kibertəhlükəsizlik və ya əlaqəli sahə üzrə ali təhsil;

İT sahəsində ən azı 5 il, rəhbər və ya idarəetmə vəzifəsində isə ən azı 2 il iş təcrübəsi;

İT infrastrukturunun və informasiya sistemlərinin idarə olunması üzrə praktiki təcrübə;

Şəbəkə texnologiyaları, server sistemləri, məlumat bazaları, virtualizasiya və informasiya təhlükəsizliyi üzrə biliklər;

Windows və/və ya Linux server mühitləri ilə işləmək üzrə biliklər;

LAN/WAN, Wi-Fi, TCP/IP, VPN, firewall, router və switch texnologiyaları üzrə anlayış;

Ehtiyat nüsxələmə və məlumatların bərpası texnologiyaları üzrə bilik;

İnformasiya təhlükəsizliyi və kibertəhlükəsizlik prinsipləri barədə məlumatlılıq;

İT layihələrinin planlaşdırılması və idarə olunması bacarığı;

İT büdcəsinin, resurslarının və texniki satınalmaların planlaşdırılması üzrə təcrübə;

Analitik düşünmə, problem həll etmə və qərarvermə bacarığı;

Komandanı idarə etmək, iş bölgüsü aparmaq və əməkdaşların fəaliyyətini koordinasiya etmək bacarığı;

Güclü kommunikasiya və təşkilatçılıq bacarıqları;

Azərbaycan dilində sərbəst danışıq və yazı bacarığı;

İngilis dilini texniki sənədləri oxuma və İT sahəsində peşəkar ünsiyyət qurma səviyyəsində bilmək;

MS Office proqramları ilə yaxşı işləmək bacarığı;

Yeni texnologiyaları öyrənmək və tətbiq etmək bacarığı.

Üstünlük veriləcək namizədlər

Universitet və ya digər böyük təşkilatlarda İT infrastrukturunun idarə olunması təcrübəsi;

Kibertəhlükəsizlik, şəbəkə inzibatçılığı, sistem inzibatçılığı və ya İT idarəetməsi üzrə sertifikatların olması;

İT layihələrinin həyata keçirilməsi və rəqəmsal transformasiya layihələrində iştirak təcrübəsi;

ITIL, ISO/IEC 27001, Cisco, Microsoft, VMware və ya digər müvafiq sertifikatların olması;

Yüksək səviyyədə ingilis dili biliklərinin olması.

Maraqlanan şəxslərdən mövzu hissəsində vəzifənin adını qeyd etməklə CV-lərini [email protected] elektron poçt ünvanına göndərmələri xahiş olunur. 

Müraciət üçün son tarix: 30.09.2026