Bakı Ali Neft Məktəbinin (BANM) Tədris işləri və akademik qeydiyyat şöbəsində vakant vəzifə üzrə işə qəbul elan olunur.

- Vəzifə: Metodist

- İş yeri: Bakı Ali Neft Məktəbinin kampusu

- İş qrafiki: Həftədə 5 gün (bazar ertəsi – cümə)

- İş saatları: 09:00 – 18:00

- İstirahət günləri: Şənbə və bazar

Namizədlərə tələblər:

- Ali təhsil;

- Ali təhsil müəssisələrində tədris sahəsi üzrə minimum 2 il iş təcrübəsi;

- İngilis və/və ya rus dili biliyi (ən azı B1 səviyyəsində);

- Təhsil qanunvericiliyini bilməli;

- Rəsmi sənədləşmə bacarıqları (əmr, təqdimat, rəsmi məktubların hazırlanması);

- Dəqiq, intizamlı və məsuliyyətli olmaq;

- MS Office proqramlarında işləmək bacarığı.

Vəzifə öhdəlikləri:

- Təsdiq edilmiş nomenklaturaya uyğun olaraq kargüzarlıq işlərinin aparılması, tələbələrin şəxsi işlərinin və sənədlərinin düzgün saxlanılması və vaxtında arxivə təhvil verilməsi;

- Şöbəyə daxil olan və şöbədən göndərilən sənədlərin qeydiyyatının aparılması və icra müddətlərinə nəzarət;

- Arayışların, çıxarışların, plan və digər rəsmi sənədlərin hazırlanması;

- Yerinə yetirilmiş sənədlərin sistemləşdirilməsi və işlərin klassifikasiyasının aparılması;

- Tədris məsələləri üzrə əmr və sərəncamların dekanlıqların və kafedraların nəzərinə çatdırılması, icrasına nəzarət;

- Dövlət təhsil standartlarına uyğun olaraq tədris planlarının və əlaqədar sənədlərin hazırlanması;

- Yeni qəbul olunmuş tələbələrin qeydiyyat prosesinin həyata keçirilməsi, şəxsi işlərinin formalaşdırılması və müvafiq informasiya sistemlərinə daxil edilməsi;

- Kafedralar üzrə dərs yüklərinin hesablanması və bölgüyünə nəzarət;

- Tədris və istehsalat təcrübələri ilə bağlı əmrlərin layihələrinin hazırlanması;

- Tələbə və professor-müəllim heyətinə dair tədrislə bağlı əmrlərin layihələrinin tərtib edilməsi;

- Semestrlər üzrə imtahan cədvəllərinin hazırlanması;

- Tədris-metodiki işlərin təşkili məqsədilə digər struktur bölmələrlə səmərəli əməkdaşlığın qurulması.

Azərbaycan ali təhsil müəssisələrində tədris işləri üzrə şöbələrdə iş təcrübəsi olan namizədlər müraciət edə bilərlər.

Müraciət qaydası: Tələblərə uyğun namizədlər CV-lərini “Metodist” mövzu sətri ilə [email protected] elektron poçt ünvanına göndərə bilərlər.

Son müraciət tarixi: 25 dekabr 2025-ci il