AZƏRBAYCAN İDMAN AKADEMİYASI
BEYNƏLXALQ TƏDQİQAT LAYİHƏSİ ÜZRƏ GƏNC TƏDQİQATÇILAR ÜÇÜN MÜRACİƏT QƏBULU
Məktəblərdə Fiziki Tərbiyə Dərslərinə dair Qlobal Hesabat
Azərbaycan İdman Akademiyası “Məktəblərdə Fiziki Tərbiyə Dərslərinə dair Qlobal Hesabat” adlı tədqiqat layihəsi üzrə məvacib əsaslı, iki illik, distant tədqiqatçı vəzifəsinə müraciət qəbulunu elan edir. Tədqiqat layihəsi əsasən elmi fəaliyyətə yeni başlayan gənc tədqiqatçılar üçün nəzərdə tutulmuşdur. Namizədin akademik statusundan və təmsil etdiyi ali təhsil və ya elmi müəssisənin daxili tələblərindən asılı olaraq, layihədə iştirak doktorantura proqramı ilə də əlaqələndirilə bilər.
Tədqiqat layihəsinin və vəzifənin ümumi təsviri
“Məktəblərdə Fiziki Tərbiyə Dərslərinə dair Qlobal Hesabat” layihəsinin əsas məqsədi dünyada fiziki tərbiyə dərslərinin mövcud vəziyyəti, bu sahədə həyata keçirilən dövlət siyasəti və tətbiq olunan praktik yanaşmalar barədə faktlara əsaslanan geniş icmalın hazırlanmasıdır. Layihə çərçivəsində beynəlxalq məlumatların toplanması, müqayisəli təhlillərin aparılması, həmçinin müxtəlif ölkə və regionları təmsil edən mütəxəssislər və qurumlarla elmi əməkdaşlığın həyata keçirilməsi nəzərdə tutulur.
Seçilmiş namizəd rəhbər tədqiqatçı və beynəlxalq tədqiqat qrupu ilə əməkdaşlıq şəraitində fəaliyyət göstərəcəkdir. Onun əsas öhdəlikləri aşağıdakılardır:
Məlumatların toplanması və əlaqələndirilməsinə dəstək
Ədəbiyyat icmallarının və siyasət sənədlərinin təhlili
Keyfiyyət və/və ya kəmiyyət xarakterli məlumatların idarə olunması və təhlili
Tədqiqat hesabatının hazırlanması və dərc olunmasına töhfə
Beynəlxalq əməkdaşlıq və layihə görüşlərində iştirak
Namizəd üçün tələblər:
Fiziki tərbiyə, idman elmləri, təhsil, ictimai səhiyyə və ya əlaqəli sahələr üzrə elmi fəaliyyətə yeni başlayan gənc tədqiqatçı (elmi dərəcəli), doktorant və ya doktorantura təhsili almaq niyyətində olan şəxs
Məktəbdə fiziki tərbiyə və qlobal/müqayisəli tədqiqat sahəsinə maraq
Tədqiqat bacarıqları (keyfiyyət, kəmiyyət və ya qarışıq metodlar)
İngilis dilində sərbəst yazılı və şifahi ünsiyyət bacarığı (əlavə dilləri bilmək üstünlük hesab edilir)
Müstəqil və beynəlxalq tədqiqat qrupu daxilində işləmək bacarığı
Tələb olunan sənədlər:
Tərcümeyi-hal (akademik CV)
Tədqiqat maraqlarını və layihəyə uyğunluğunu əks etdirən qısa motivasiya məktubu
Fəaliyyətin dissertasiya ilə əlaqələndirilməsinə dair qısa təsvir (ehtiyac olarsa)
Son müraciət tarixi: 18 may 2026-cı il
Müraciət və əlavə məlumat üçün:
Elmi-tədqiqat mərkəzi
