“Yaşıl şəbəkə: Elmi İnnovasiya platforması” adlı layihəsi çərçivəsində Qarabağ regionu üzrə tədqiqatlar aparılıb.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2025-ci ildə “Qarabağ və Şərqi Zəngəzurun dirçəlişi, mina və itkinlər problem” mövzusu üzrə elan etdiyi qrant müsabiqəsində qalib olan “Qlobal Əməkdaşlıq və Analitik Araşdırmalar Mərkəzi” İctimai Birlik, Azərbaycan Əmək və Sosial Münasibətlər Akademiyasının tərəfdaşlığı ilə “Yaşıl şəbəkə: Elmi İnnovasiya platforması” adlı layihəni icra etməyə başlayıb.
25-26 sentyabr 2025-ci il tarixlərində, Xankəndi və Şuşa şəhərlərində layihənin fəaliyyət istiqamətinə uyğun olaraq “Qlobal Əməkdaşlıq və Analitik Araşdırmalar Mərkəzi” İctimai Birliyi və Azərbaycan Əmək və Sosial Münasibətlər Akademiyası, Ağdərə və Xocalı rayonlarında Bərpa, Tikinti və İdarəetmə Xidməti Publik Hüquqi şəxsin Həmkarlar İttifaqının tərəfdaşlığı ilə sentyabr ayı ərzində bir sıra qurumlarda elmi-tədqiqatlar aparmışdır. Layihə çərçivəsində dərc ediləcək “Yaşıl innovativ biliklərin xəritələşdirilməsi: Problemlər və perspektivlər” adlı nəşr üçün Qarabağ regionun zəngin təbiəti və təbii ehtiyatlarına dair toplanılan elmi- tədqiqatların nəticələrinə dair məqalələr hazırlanıb. Səfər zamanı, ilk öncə Qarabağ Universiteti rəhbərliyi ilə görüş keçirildi. Layihə ilə bağlı geniş təqdimat edilib.
Daha sonra ADSEA-nın Qarabağ Su Meliorasiya Sistemlərinin İstismarı İdarəsinin rəisi Müşviq Adıgözəlovun rəhbərliyi ilə Xankəndi şəhər 1 nömrəli Sutəmizləyici Qurğular Kompleksində Ballıca və Xəlfəli su mənbələrindən gələn çay suları ilə bağlı layihənin təşkilat komitəsinə önəmli məlumatlar qeyd edilib. . Eyni zamanda Xankəndi şəhər 1 nömrəli Sutəmizləyici Qurğular Kompleksi və Qarabağ Universitetinə geniş infotur da təşkil olunmuşdur.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti publik hüquqi şəxsin Həmkarlar İttifaqının rəhbərliyi Şükür Bayramlının müşayiəti ilə birgə AƏSMA-nın Beynəlxalq əlaqələr üzrə prorektoru, layihənin rəhbəri Xəyalə Məmmədova və AƏSMA-nın mütəxəssisi, layihənin eksperti Pərvanə Xıdırova tərəfindən Xankəndi, Şuşa şəhərlərinin flora və faunası, təbii ehtiyatlarında geniş tədqiqat işləri aparılıb
Qeyd edək ki, 44 günlük Zəfər yürüşünün başlamasının 5-ci ildönümü ilə əlaqədar olaraq, Anım Günündə şəhidlərimizin müqəddəs xatirələrini işğaldan azad edilmiş torpaqlarımızda ehtiramla yad etdik.
