İnsan resursları üzrə baş mütəxəssis vakansiyası
"CYBER POİNT" MMC Azərbaycanda kibertəhlükəsizlik və IT təhlükəsizliyi sahəsində fəaliyyət göstərən, müasir təhlükəsizlik həlləri və xidmətləri təqdim edən şirkətdir.
Vəzifə öhdəlikləri:
- İşçi ehtiyacını müəyyənləşdirmək və vakansiyaların idarə olunmasını təşkil etmək;
- Namizədlərin axtarışı, seçimi, müsahibələrin təşkilini idarə etmək;
- Əmək qanunvericliliyinə əsasən işçilərin işə qəbulu, işdən azad edilməsi, vəzifə dəyişikliyi və s. proseslərin icra edilməsi;
- İşçilərin şəxsi işlərinin formalaşdırılması və kadr sənədlərinin düzgün aparılmasını təmin etmək;
- İşə qəbul, işdən azad, məzuniyyət, ezamiyyət və digər növ əmrlərin hazırlanması;
- ƏMAS portalında struktur, ştat vahidinin yaradılması, ləğv edilməsi və digər növ əməliyyatların icra edilməsi;
- Kargüzarlıq işlərinin aparılması (arayış, məktub, etibarnamə və s. hazırlanması);
- İşçi heyətinin təlim ehtiyacının müəyyənləşdirilməsi;
- İşçilərin performans qiymətləndirilməsi sisteminin tətbiq edilməsi;
- Rəhbərin tapşırığına əsasən İR hesabatlarının hazırlanması.
Namizədə dair tələblər:
- Azərbaycan vətəndaşı olmalı;
- Müvafiq sahə üzrə ali təhsil (magistr təhsili və ya sertifikatların olması üstünlükdür);
- Müvafiq sahədə 3 ildən artıq iş təcrübəsi;
- Əmək qanunvericiliyi haqqında yüksək biliyə malik olmalı;
- MS Office və 1C (8.3) proqramlarında yaxşı səviyyədə işləmə bacarığı;
- Azərbaycan dilində sərbəst yazılı və şifahi nitq qabiliyyəti, ingilis dili biliyinin olması üstünlükdür;
- Məsuliyyət, düzgünlük, dəqiqlik və etibarlılıq kimi müsbət göstəricilərə malik olmalı;
- Yüksək kommunikasiya bacarığı, operativ qərar vermə və analitik düşünmə qabiliyyətinə malik olmalı.
Əlavə məlumat:
- AR Əmək Məcəlləsinə əsasən sənədləşmə;
- İş rejimi: I-V günlər 09:00 – 18:00 (şənbə və bazar günləri, bayram günləri və ümumxalq hüzn günü qeyri-iş günləridir);
- Nahar fasiləsi: 13:00 - 14:00;
- İş yeri: Bakı şəhəri, Nizami rayonu, H.Əliyev pr. 189B.
Əmək haqqı namizədin bilik və bacarığına əsasən təyin edilir.
Vakansiya ilə maraqlanan namizədlərdən CV-lərini mövzu hissəsində “İnsan resursları üzrə baş mütəxəssis” qeyd edərək, [email protected] elektron poçt ünvanına göndərmələri xahiş olunur.
